കട്ടലോക്കല്
==========
എറണാകുളം നോര്ത്ത് എത്തി.
സൈഡ് സീറ്റിലിരുന്നുകൊണ്ട്
വടയും കാപ്പിയും വാങ്ങിച്ചു.
വടയുടെ ചട്ണിക്കാണ് സ്വാദ്..
ഓപ്പസിറ്റ് ഒരു യുവതി,മോഡേണ്,
ഗോഗില്സില്,അവരും കാപ്പി വാങ്ങിച്ചു.
ആശ്വാസായി
റെയില്വേ കാപ്പി അത്ര മോശല്ല.
ഞാനും.
വീറോടെ കാപ്പി കുടിച്ചു
വട കടിച്ചുപറിച്ചു,നല്ല വട
സോഫ്റ്റ്.
വടാനന്ദം..എന്ത് സ്വാദാണ്
ബോധംകെട്ട് തീറ്റ തുടങ്ങി..
യുവതി കാപ്പി കുടിക്കുന്നില്ല.
വിന്ഡോ സൈഡില് കാപ്പി വച്ചിട്ട്
മൊബൈലില്പരതുകയാണ്.
സംയമനം പാലിച്ച്,ഞാന്
ചുണ്ടൊക്കെ സ്റ്റൈലിഷാക്കി
പതുക്കെ ചവക്കാന് തുടങ്ങി..
നീഡഡ് മാനേഴ്സ്..
യുവതി കാപ്പിക്കപ്പ് കയ്യിലെടുത്തു
ടാറ്റൂചെയ്ത നഖങ്ങള്..
കാപ്പികുടിച്ചുകൊണ്ട്,ഫോണില് സംസാരിക്കുന്നു
പേളീമാണിയെപോലെ
ലിപ്പിന്റെ അറ്റം മാത്രം അനക്കി
സംസാരിക്കുന്നു..
ക്ളാസ് ലുക്ക്.
എന്താ സ്വാദ്!ഒരു വട കൂടി വാങ്ങാമായിരുന്നു
അവര്
കാപ്പിക്കപ്പ് വീണ്ടും താഴെവച്ചു.
ബേഗില് നിന്ന് ചെറിയ
ഭംഗിയുള്ള ലാ ഒപാല കാസറോള്പുറത്തെടുത്തു..
വടചവയ്ക്കല് സ്ളോവാക്കി
ഇടങ്കണ്ണിട്ട് ഞേന് കാസറോളിലേക്കു നോക്കി.
യുവതി ഒരു സ്പൂണ് കയ്യിലെടുത്തു,
ഫുഡ് കൊണ്ടുവന്നിട്ടുണ്ട്.
വളരെ സാവധാനം ലിഡ് നീക്കി
സ്പൂണുകൊണ്ട്,പാത്രത്തില്നിന്ന്
എന്തോ ഫെച്ച് ചെയ്തെടുത്ത്
വായിലേക്കു വച്ചു..
ഫൈവ് സ്റ്റാര് സ്റ്റൈല്.
ഈ ഞാന് ചുണ്ടിന്റെ ഗോഷ്ഠി പരമാവധി കുറച്ച്
ചുണ്ടിനെ വര്ത്തുളാകൃതിയില്
ചലിപ്പിക്കാന് തുടങ്ങി.
വടയും അരഞ്ഞുകിട്ടും
ഫേഷ്യല് എക്സ്പ്രഷനും ബോറാവില്ല.
ഒരു കണ്ണാടി കിട്ടിയിരുന്നെങ്കില്..
യുവതി ഓരോ സ്പൂണിനൊപ്പം
ഒരിറുക്ക് കാപ്പിയും കൂടി..
ഹാ!എന്തൊരു അന്തസ്സിലാണത്.
വട ചമ്മന്തിയിലൊന്ന്
പെരട്ടിയെടുക്കണമെന്നുണ്ട്..
പതുക്കെ ചൂണ്ടുവിരലുകൊണ്ട്
ഒരു കഷണമെടുത്ത്
ചമ്മന്തിയിലിട്ട് അനക്കി,
ശരിക്കും കുതിരുന്നില്ല..
യുവതിയുടെ പാത്രത്തിലെ
തീര്ന്നിട്ടില്ല
ഇടയ്ക്ക് കഴിക്കല്
മന്ദഗതിയിലാക്കി സ്പൂണുകൊണ്ട്
ഭക്ഷണത്തെ തഴുകിത്തലോടുന്നുണ്ട്
എന്താണാവോ പാത്രത്തില്,
ഒന്നു പാളി നോക്കി
കാണാന്പറ്റുന്നില്ല.
വീണ്ടും മൊബൈലെടുത്ത്
കാര്യമായി സംസാരിക്കുന്നുണ്ട്.
തൊഴിലിടത്തെ അനീതിയെപ്പറ്റി
എന്തോ ആണ്.
വളരെ ആധികാരികമായി സംസാരിക്കുന്നുണ്ട്.
ഇത്ര സോഫ്റ്റാക്കി വട ഉണ്ടാക്കിയവനെ
സ്നേഹിച്ചുകൊണ്ട്
അപാര മാനേഴ്സില്
വടയുടെ അവസാനത്തെ കീറും
ചീന്തിയെടുത്തു.
നല്ല ചവ ചവയ്ക്കാഞ്ഞതുമൂലം
സ്വാദുമുകുളങ്ങള് അത്ര നന്നായി
ഉദ്ദീപിപ്പിക്കപ്പെട്ടില്ല്ലോ
എന്നു വിഷാദിച്ചെങ്കിലും
സ്റ്റൈലിഷായി വടയും കാപ്പിയും കഴിച്ചതിന്റെ
അഭിമാനത്തില് ഞാന്
യുവതിയുടെ കാസറോളിലേക്കു നോക്കിഃ
ഇതു വരെ തീര്ന്നില്ലേ
ച്ഛെ സ്ളോവാക്കാമായിരുന്നു
ഇപ്പൊ ലാസ്റ്റ് വടക്കഷണവും തീരും
കാപ്പിക്കപ്പു കൈയ്യിലെടുത്ത്
ചുണ്ട് മൃദുവായി കൂര്മ്പിച്ചുപിടിച്ച്
കാപ്പി സിപ്പു ചെയ്തു.
ഓകെ.ശരിയാവുന്നുണ്ട്.
ലാസ്റ്റ് സിപ്!
ട്രെയിന്പെട്ടെന്ന് നിന്നു
ആരോ ചങ്ങലവലിച്ചെന്നു തോന്നുന്നു
ഒരു ജേര്ക്ക്!
യുവതിയുടെ കാസറോള് തറയില്..
എന്റെ കണ്ണേറ് കൊണ്ടായിരിക്കും
അതില് നിന്ന് സ്ളൈസസ് ഒാഫ്
കപ്പക്കെഴങ്ങ് പുഴുങ്ങിയത് തലനീട്ടി.
'അയ്യോ'പറഞ്ഞ്
വെപ്രാളത്തില് യുവതി നിലത്തിട്ടുവാരി..
ചാടിവന്ന കുറുമ്പുചിരി
അമര്ത്തിയടക്കി ഞാാനും
ശോകമടിച്ചപോലെ മുഖംപിടിച്ചു
അയ്യോ കഷ്ടം പരിതപിച്ചു.
ഞ്യാ...ന്
കട്ടലോക്കല്..
