പ്രണയം,മഴ,വിപ്ളവം ..തര്‍ജ്ജമ

അറിയാം സഖാവേ
അറിയാം
കവിതകൊണ്ട്,
കുറഞ്ഞതെന്റെയൊരു കവിതകൊണ്ട്
ഒരു നിസാമും വെണ്ണപോലാവില്ല.
ഒരുത്തിയും കാമുകിയാവാനും വരില്ല.
ഒരു മേഘവും മാനത്തെത്തിനോക്കില്ല.
വേട്ടക്കാരന് ചാഞ്ചല്യമുണ്ടാവില്ല.
മഴുവേന്തിയവന്‍ നിര്‍ത്തില്ല.
കവിതകൊണ്ട്
എവിടെ വിപ്ളവം വരാനാണ്..
എന്നിട്ടും
എഴുതുന്നുണ്ട് സഖാവേ,
എന്തൊക്കെയോ..
ശ്വാസമെടുക്കാന്‍മാത്രം..
ആര്‍ക്കറിയാം
ഈ ശ്വാസം കുറച്ചു നിലനിന്നാല്‍
പ്രേമവും മഴയും വിപ്ളവവുമൊക്കെ
എന്നേലും വന്നെങ്കിലോ..